Mirando á dereita con orgullo ao campo, así é como finalmente La Señora Lola quedou retratada polo artista Yoseba Muruzábal, obra que estivo realizandodurante as últimas dúas semanas. Asemade do seu retrato de primer plano mirando cara a Pasarón, o mural inclúe tamén á Señola Lola na posición dunha das súas fotos máis míticas: celebrando o ascenso e retratada polo fotógrafo do Miguel Vidal do Diario de Pontevedra.
O artista decidiu coller a fotografía de Vidal e cambiala lixeiramente, poñéndolle na man á Señora Lola unha bengala de cor granate. Naquel momento as bengalas non se levaban no mundo do fútbol, pero estamos seguros que de existir, a Señora Lola a usaría para celebrar o ascenso que celebrou naquel momento.
A inauguración, o venres
O promotor deste mural, o Concello de Pontevedra, levará a cabo este venres 23 de outubro unha pequena inauguración, onde se espera que estén representantes do propio Concello, o artista Yoseba Muruzábal, representación do Pontevedra e tamén familiares da Señora Lola, que colaboraron en todo momento co artista para plasmar un símbolo tan importante co clube granate.
