Un Pontevedra con maior rodaxe gaña ao Racing de Ferrol (2-3)

| |

Era a mellor proba. Despois de confeccionar unha dos planteis máis ambiciosos da última década, enfrontarse a un rival tan clásico e coas mesmas ambicións como o Racing de Ferrol era a proba que os granates necesitaban para afirmar as súas intencións nesta Segunda B. E ben que o fixeron: nun partido serio e algo trabado, os granates conseguiron a vitoria por 2-3 ante un Racing de Ferrol ao que lle fallou integración entre os seus futbolistas.

A Malata recibiu ao Pontevedra como mellor podíase nesta situación: con público. Uns 1.000 espectadores reuníronse en Ferrol para recibir aos granates. Jesús Ramos decidiu sacar ao once que todos imaxinabamos que sacaría, con Mario na portería, Zabaleta, Xisco, Churre e Aitor Núñez na defensa, Alex González, Romay, Imanol e Oier na parte do medio campo e a dupla de Charles e Rufo arriba. Sorprendeu que nun principio o club comunicaba a Jorge Fernández no canto de Alex, pero non sabemos se foi erro de comunicación ou unha decisión de última hora ao ver o once rival.

O partido non puido comezar mellor. Un Pontevedra que parecía ter un par de marchas máis que o Ferrol comezou as súas primeiras xogadas pola banda dereita de Oier. E por esa mesma banda chegou no minuto 3 un centro do propio Oier que Alex González rematou no segundo pau, estreándose esta tempada tanto como goleador como con capitán.

A partir dese momento o Pontevedra foi de máis a menos. Os granates tentaban combinar e o balón roldaba máis a área ferrolá que a granate. Pero iso foise terminando ao longo dos minutos, cando o Ferrol comezouse a atopar cómodo e empezou a ter o dominio do balón. Aínda así, os racinguistas non eran capaces de chegar demasiado á área defendida por Mario, só achegándose cunha ocasión de Joselu que desviou Mario a corner mostrando grandes reflexos. Dos pés do mesmo Joselu, chegou a ocasión na que o Ferrol empataría: despois dun rexeite de Mario, un centro desde a esquerda permitiría que Jefferson rematase a gol facéndolle unha clara falta a Mario sen que o árbitro a sinalase. A primeira parte non daría para máis e terminaría con empate a un no marcador.

Sabes que podes votar aos mellores xogadores do partido? ¡Vota aquí!

Na segunda parte os de Jesús Ramos volveron saír como a comezo do partido: cunha marcha máis con respecto ao Racing. Os granates fixeron un xogo máis rápido e directo que os ferroláns, pero o balón non terminaba de chegar nin a Rufo nin a Charles, xa que estaban sempre moi ben cubertos polos defensas locais. Pero cando cobres demasiado a uns xogadores, outros quedan libres e o Racing cometeu o erro de deixar a Romay meterse na área. E así se meteu nun novo centro de Oier, rematando o de Bergantiños no primeiro pau batendo claramente a Rivas.

A partir dese momento, a mellor compenetración dos de Jesús Ramos comezouse a notar, estando o Ferrol moi fallón e con poucas ideas salvo aproveitar a calidade de Joselu e a envergadura das súas outros dianteiros. Entre falta de xogo e poucas oportunidades, chegou unha pelexa de Rufo na parte dereita da área ferrolá despois dun despexe, o madrileño deixoulla a Oier que disparou cruzado raso, batendo a Rivas e subindo o 2-3 ao marcador.

Aínda que co 2-3 víallas moi felices o Pontevedra, o Ferrol ten un persoal para estar arriba e notouse. Tan só 4 minutos despois o autor do primeiro gol, Jefferson aproveitou a súa envergadura nun centro alto e meteu o segundo do Racing, poñendo os nervios nos granates.

Era o minuto 67 e parecía que iamos ter un final moi atarefado, pero nada máis lonxe da realidade. O partido acabou caendo en intensidade e oportunidades, notándose sobre todo a falta de rodaxe do Ferrol que cometía moitas imprecisións e xeraba moi poucas oportunidades de perigo. Nestes minutos ao Pontevedra estivo ben plantado no campo e as entradas ao longo da segunda parte de Cruz, Borja Martínez, Óscar Fernández e Jorge Fernández deron o osíxeno que necesitaron os de Jesús Ramos para rematar o partido e confirmar unha vitoria moi importante ante un rival directo.

📸 La Voz de Galicia – José Pardo

Anterior

Vota polo mellor xogador no Racing de Ferrol 2-3 Pontevedra CF

La Señora Lola xa vixila Pasarón

Seguinnte

Deixa un comentario