Malas noticias para o Pontevedra CF na División de Honra Xuvenil. Este xoves o equipo xuvenil do Pontevedra CF xogaba contra o Ural Español na Grela o partido aprazado correspondente á decimonovena xornada de liga. A pesar de gañar 0-1 nun campo dun rival directo, os tres puntos non irán aos granates xa que cometeron aliñación indebida ao disputar o partido un xogador que estaba sancionado por acumulación de tarxetas. Así o confirmou o adestrador do equipo David Montes en declaracións posteriores ao partido:
Os xuvenís viñan de empatar contra o Val Miñor con boas sensacións e este partido era clave para apuntar ao obxectivo da permanencia, pero en canto o Comité de Competición resolva a denuncia do Ural Español, que xa comentou que reclamaría, os de David Montes volverán quedar con 18 puntos, na posición número 15 a 3 puntos da salvación.
