O Pontevedra CF comeza a pechar o seu plantel para a tempada 2020-21. Despois da negativa de Álvaro Bustos unha das posicións que se sabía que o clube ía reforzar era a parte esquerda. E como se esperaba Jorge Fernández é a nova fichaxe para ocupar esa posición e vestir a camisola granate.
Jorge Fernández é un extremo esquerdo que pode xogar tamén de mediapunta, ten 30 anos e procede do CD Calahorra, clube onde xogou todos os partidos da tempada pasada. Jorge é un xogador con bastante chegada á meta rival, xa que anotou 6 goles a tempada pasada no Grupo 2 da Segunda B.
Á espera dun central e dos sub-23
Con esta última fichaxe, as cartas van levantándose e o plantel completándose. Coa chegada de Jorge Fernández, quedaría unha ficha senior por completar a cal será, case con total seguridade para un central que complete a o centro da defensa con Churre e Pol Bueso. Coa mais que posible marcha de Naveira (os últimos rumores apuntan ao CD Arenteiro), é posible que chegue un lateral esquerdo tamén, aínda que a duda é si será sub23 ou ficha senior.
Tamén faltan por chegar á disciplina granate as fichas sub 23 que ten que ter o equipo, pero debido á incertidumbre do comezo de tempada, é mais que probable que tarden en chegar.
