O Pontevedra Club de Fútbol anunciou unha nova promoción para o partido contra a Ximnástica Segoviana. Coa idea de que se acheguen todos os siareiros posibles nun horario tan atípico como o sábado ás sete da tarde, a entidade decidiu aplicar unha rebaixa ás entradas de todas as bancadas e lanzar unha promoción de entrada con desconto para cada socio.
Con esta nova promoción, as entradas para público xeral sofren un pequeno desconto pasando a valer 10€ nos fondos, 15€ en Preferencia e 20€ en Tribuna, sendo os prezos para os menores de 16 anos 5€, 8€ e 15€ respectivamente. Ademais, cada socio poderá comprar unha entrada a un prezo algo máis reducido que a de público xeral: 6€ para Fondo Sur, 8€ para Fondo Norte, 10€ para Preferencia e 15€ na bancada de Tribuna. No caso de ser menor de 16 anos, os prezos quedan en 5€ en Fondos e Preferencia e 10€ en Tribuna.
Segundo comunicou o club, cada socio ten dereito a adquirir unha única entrada con desconto, tendo que comprarse con antelación nas oficinas do club. Tanto para público xeral como para socios, as oficinas da entidade estarán abertas de martes a venres de 9:00 a 14:00 e de 16:00 a 19:00, estando tamén abertas o sábado de 10:00 a 13:00 horas.