“El Pontevedra nos dará guerra”
O adestrador do Cádiz CF coroou con esa frase a rolda de prensa previa ao partido de Copa do Rey #ante o Pontevedra Club de Fútbol. O equipo andaluz vén de empatar a 1 ante o Valencia en Mestalla e agora tócalle visitar Pasarón nesta segunda rolda da renovada Copa do Rey. Iso son moitos quilómetros ás costas e Álvaro Cervera, adestrador cadista, sábeo, polo que é de esperar que en Pasarón aliñe aos menos habituais.
E é que o Cádiz ten unha semana complicada. Despois do seu partido en Valencia, vén a Pontevedra e logo terá que xogar na súa casa ante o Alavés, un rival directo na competición doméstica #ante o que de seguro quererán conseguir os 3 puntos. Para Cervera o camiño para xogar ante o Pontevedra está claro: “Competir. Estos partidos nos dan la auténtica realidad de lo que somos. No se puede jugar contra un Segunda B igual que contra un Primera. Tendremos que jugar de otra manera y veremos lo que puede dar de sí el equipo. Este torneo no la vamos a ganar, así que intentaremos probar cosas y jueguen jugadores que tengan menos minutos”. Cando se lle preguntou polas posibles rotacións, o adestrador engadiu: “Jugadores que nosotros necesitamos que se incorporen pronto al equipo estarán. Jugadores que vienen de lesiones y otros que menos minutos llevan, ese tipo de jugadores”.
En canto ao Pontevedra e aínda que non se deu a convocatoria, Jesús Ramos non contará cos xa sabidos Romay e Adrián Cruz. A el úneselle a ausencia de Borja Martínez por baixa médica, polo que o técnico granate terá que facer grandes cambios no medio do campo para sacar un once de garantías. En principio, Charles poderá xogar este partido xa que a súa sanción sanción aplícase unicamente á liga, non aos partidos de Copa do Rey. Do mesmo xeito que Cervera, Ramos terá que pensar tamén no domingo, onde visitará Pasarón un Guijuelo que vén como penúltimo clasificado.
Rolda de prensa de Álvaro Cervera
