Boas noticias para o Pontevedra Club de Fútbol: o Xuíz de Competición fallou a favor do club granate e retirou a quinta amarela a Churre polo que o central estará dispoñible para xogar contra o Navalcarnero se así o decide Ángel Rodríguez.
A noticia foi coñecida no día de hoxe mércores, día no que o Xuíz de Competición adoita publicar os seus fallos. O Pontevedra CF SAD recorrería a tarxeta amarela vista polo central no partido contra o Unión Adarve. Segundo a acta do partido, Churre vería a amoestación por «Dar unha patada a un adversario de maneira temeraria sen estar o balón en xogo». O club presentaría probas audiovisuais demostrando o erro do colexiado, provocando o fallo do Xuíz de Competición e a consecuente retirada da amoestación.
En canto ao resto de amoestacións a xogadores granates, mantéñense polo que continúan apercibidos de sanción Brais, Charles e Seoane.
